U3F1ZWV6ZTY2NDI1NTk4ODRfQWN0aXZhdGlvbjc1MjUxMDQxOTEx
recent
اهم الموضوعات

خوازيق سند جوانب الحفر

نقدم لكم اليوم متابعي موقعنا civildream.com  موضوع هندسي هام جدا لكل مهندس مدني الا وهو تنفيذ اعمال خوازيق سند جوانب الحفر
 خوازيق سند جوانب الحفر هى خوازيق تستخدم فى سند جوانب الحفر اذا كان الحفر اكتر من 1.5 متر أو لو كان الحفر أعمق من أساسات الجار.

اسس تنفيذ خوازيق سند جوانب الحفر

فى حاله عمل الخوازيق السانده عموما يتم الرجوع من 15 الى 20 سم من حد الجار لكي تستطيع الالات العمل بسهوله في الموقع

لكى يتم تنفيذ الخوازيق باستقامه واحده افقيا او تكون على نفس الخط فانه يتم عمل خيط موازى يبعد عن حائط الجار مسافه x وعند تاكيس الخازوق على السيخ الموجود فى الارض يتم قياس المسافه بين البلف والحائط ويتم عمل ذالك فى باقى الخوازيق اى ان لازم تكون المسافه من البلف الى الخيط متساويه لجميع الخوازيق
الخوازيق الساندة بيتم تنفيذها قبل حفر الموقع لأن وظيفتها سند جوانب الحفر ولايتم الحفر قبل مرور 28 يوم على تنفيذ آخر خازوق ساند لكي تصل الخرسانه الي اقصي قوه لها
والخازوق الساند طوله مرتبط بقيمة الحفر ولايصل لمنسوب تربة التأسيس فإذا كان الحفر 4 متر مثلا يكون طول الخازوق اسفل منسوب الحفر غالبا من مرة ونص إلى مرتين عمق الحفر اى من 10 إلى 12 متر او 5 مرات قطر الخازوق حسب توصيات استشاري التربه والاساسات
طبعا لان طوله ضعف الى ظاهر فمش لازم يوصل لتربه التاسيس زى خوازيق الكبارى بتحفر فى الطين مثلا لحد ما يطلعلك رمل على عمق كبير طبعا لانها في هذه الحاله خوازيق عامله تقوم بنقل حمل المبني للتربه الصالحه للتاسيس
انواع خوازيق سند جوانب الحفر
لو انا فوق منسوب المياه الجوفيه انا والجار او مفيش مياه جوفيه هتتسرب من الجار هستخدم خوازيق خرسانيه فقط
الخوازيق الخرسانيه اما
1- متجاوره اى بينهما مسافه والكود بيقول المسافه من سنتر الخازوق الى سنتر الخازوق لا تتعدى 3 مرات القطر وبستخدم النوع ده فى حاله التربه الطينيه المتماسكه الى شديده التماسك او الرمليه القويه طبعا الكلام ده ومفيش مياه هتتسرب من تحت الجار زى ما قولنا
2-خوازيق خرسانيه متماسكه والبعض بيقولك ممكن تكون فيه فاصل 10 سم ويفضل التلاحم ويستخدم فى حاله تربه ضعيفه التماسك واكرر طبعا الكلام ده ومفيش مياه هتتسرب من تحت الجار زى ما قولنا

ملاحظات هامه في خوازيق سند جوانب الحفر

فى حاله الخوازيق السانده من الخرسانه يتم ترك مسافه حوالى 1.5 متر فى مكان اعمده الجار تسمى بيت العامود ويكون بعده اكبر من بعد العمود دائما

خوازيق البنتونيت خوازيق سند جوانب الحفر


استخدام الخوازيق البنتونيت فى حالة وجود مياة جوفية بمنسوب أعلى من منسوب الحفر بمعنى منسوب الحفر -4 متر ومنسوب المياة الجوفية -2 متر حتى لايتم سحب المياه الجوفية ومعاها التربة من أسفل أساسات المبانى المجاورة أثناء سحب المياة بالموقع .وفى هذه الحالة لايتم تنفيذ الخوازيق الساندة بنتونيت فقط ولكن بيتم تنفيذ خوازيق ساندة خرسانية بينها خوازيق البنتونيت بالتبادل وبيتم تنفيذ الخوازيق البنتونيت أولا ثم بين كل خازوقين بنتونيت يتم تنفيذ خازوق خرسانى بحيث يتداخل بالخوازيق البنتونيت أثناء تنفيذه.اى خوازيق متداخله وبالتالى يكون وظيفة الخازوق البنتونيت كسدادة فقط بين الخوازيق الساندة الخرسانية لمنع تسرب المياة الجار أثناء سحب المياة من الموقع Dewatering التجفيف

.
وبالتالى الخازوق البنتونيت ماهو الا سدادة بين الخوازيق ولايستطيع تحمل القوى الأفقية الناتجة عن ضغط تربة الجار ولكن التى يتحملها ويقاومها هو الخازوق الساند الخرسانى والخازوق البنتونيت يتكون من مادة البنتونيت يضاف إليه الاسمنت بنسبة 1:1 أو بنسبة 2 بنتونيت إلى 1 اسمنت او 2 اسمنت ل 1 بنتونيت مع الرمل وهذه النسبة غالبا ماتأتى بتقرير الجسات من استشاري التربه والاساسات وطبقا لما جاء في الكود المصري للاساسات

معلومات هامه في تنفيذ خوازيق سند جوانب الحفر


  1. الخوازيق السانده 3 انواع منها 2 خرسانيه زى الى فاتو اما متجاوره او متلاصقه والاخر متداخله فى حاله المياه الجوفيه بيكون 1 خرسانه و1 بنتونيت
  2. اضافه الى ان الخرسانى مسلح وبيكون تسليحه لا يقل قطر السيخ عن 16 ميلى متر ويلف حوله كانات حلزنيه اما البنتونيت مش مسلح لان الخرسانى يتداخل فى البنتونايت كما فى الصوره
  3. وطبعا الخوازيق دى بعد مصبها بربطا من فوق بكمره مسلحه واشاير الخوازيق الخرسانيه هى الى بتمسك فيها وطرق تامين اخرى سنتعرض لها فيما بعد


بعد صب الخوازيق يتم عمل كمره تستمى الهامه
  1. الهامات هى عباره عن كمره بعرض قطر الخازوق + طول الجزء المتروك من حد الجار يتم عملها بعد صب الخوازيق فهى زى رابط للخوازيق من الاعلى
  2. يتم حفر الموقع بعمق الكمره او الهامه املا وتكسير رؤوس الخوازيق وترك الاشاير ويتم عمل نجاره الهامات مع مراعاه ترك فتحه تسمى جراب وهو عباره عن ماسوره قطرها اكبر من قطر ماسوره الصرف الى ستمر من هذا المكان ان دعت الحاجه الى ذالكويمكن عمل اكثر من جراب مع مراعاه سدها بشكاير فارغه حتى لا تدخل الخرسانه اليها
  3. ويتم فك الشده الخشبيه بعد الصب بيوم عشان الحق انظف الخرسانه التى تسربت الى الجراب قبل ما تنشف


مهم جدا جدا خوازيق سند جوانب الحفر


  • فى حاله الخوازيق الخرسانيه بيكون فيه بيت عمود زى ما قولنا فبيتم تكسير الهامه فى ذالك الجزء عشان العامود يمر وطبعا بنكسر الجزء الخرسانى من الهامه ولا نقطع حديد التسليح ولكن لا يتم التكسير الا بعد صب العاديه وعمل حداده المسلحه وخروخ اشاير الاعمده منها
  • اما فى حاله الخوازيق البنتونيت لا يتم تكسير الهامه ولا يترك بيت عمود فتعمل الهامه فى هذه الحاله كقاعده وتصمم على هذا الاساس ولذلك تتحمل حمل راسى لذا لا بد ان يكون الخازوق الساند من النوع العامل ويتم حساب ذالك من البدايه ويتم عمل اشاير للاعمده فى هامه الخازوق
  • فى حاله المواقع الكبيره نستخدم ضواغط تمتع انبعاج الهامه نتيجه حمل التربه عليها ومنها اما ضواغط خرسانيه وتكسر بعد عمل سقف البدوم ومنها الاستيل عباره عن مواسير مكونه من وصلات تثبت فى الهامات بسامير قلاووظ وتفك فى النهايه
  • ملاحظه على الماشى اقصي هبوط مسموح به للخازوق هو 2% من قطره


مما سبق نلخص الاتى
  1.  تستخدم الخوازيق السانده عند الحاجه اليها
  2.  الخوازيق منها خرسانى فى حاله عدم تسريب مياه او انا فوق منسوب المياه الجوفيه ومنها خوازيق متجاوره ومنها متلاصقه اما فى حاله تسريب مياه فبستخدم خوازيق بنتونيت 
  3.  مراعاه اماكن بيت العمود فى حاله الخوازيق الخرسانيه فقط
  4.  لا يوجد بيت عمود فى حاله البنتونيت
  5.  خوازيق البنتونيت بعد الصب يتعرض جزء منها للانكماش لذا يتم ملئ هذا الجزء مره اخرى
  6. خازوق البنتونيت بينشف فى حوالى 3 ايام
  7.  يتم عمل الهامات والضواغط 
  8. الخازوق فى حاله البنتونيت والخرسانه الى بيشيل الهامه فى حاله عمدان الجار يصمم على انه عامل من البدايه والخازوق العامل هو الذى يتحمل حمل المبنى وينقله الى تربه التاسيس لتحميل كتاب انواع الخوازيق pdf من هنا
ليست هناك تعليقات
إرسال تعليق

إرسال تعليق

الاسمبريد إلكترونيرسالة